Իրանում ամբողջովին ձևավորվել է նոր կառավարությունը
Ռուսական ИТАР-ТАСС լրատվական գործակալության փոխանցմամբ՝ Իրանի Նախարարների կաբինետն ամբողջությամբ ձևավորվել է Իրանի նախագահի երդմնակալությունից 3 ամիս անց: Իրանի խորհրդարանը երեկ հավանության է արժանացրել վերջին թեկնածությունը:
Խոսքը գնում է Մուհամմադ Գուդարզիի մասին, որին Իրանի նախագահ Հասան Ռոուհանին առաջադրել է Սպորտի ու երիտասարդության հարցերով նախարարի պաշտոնում: Գուդարզիի օգտին քվեարկել է 199 պատգամավոր, 44-ը դեմ է արտահայտվել, իսկ 24-ը ձեռնպահ է մնացել:
