Բաղդադում պայթյուններ են գրանցվել. կան զոհեր
France-Presse լրատվական գործակալության փոխանցմամբ՝ երեկ երեկոյան հինգ պայթյուն է որոտացել Իրաքի մայրաքաղաք Բաղդադի տարբեր թաղամասերում: Դրանց հետևանքով զոհվել է առնվազն 17 մարդ, վիրավորվել է ավելի քան 50 մարդ:
Այս մասին հայտնել են Իրաքի բժշկական ու փրկարարական ծառայությունները: Դրանց հաղորդմամբ՝ պայթյունները գրանցվել են տեղական ժամանակով ժամը 18.00-ին, մայրաքաղաքի թե՛ շիական, թե՛ սուննի թաղամասերում:
