Լեհ նախարարը պաշտոնանկ է արվել` թանկարժեք ժամացույցը չհայտարարագրելու պատճառով
Լեհաստանի տրանսպորտի եւ ջրային տնտեսության նախարար Սլավոմիր Նովակը հրաժարական է տվել ձեռքի թանկարժեք ժամացույցի հետ կապված սկանդալի պատճառով, հաղորդում է ԻՏԱՌ- ՏԱՍՍ-ը: Վարչապետ Դոնալդ Տուսկը նոյեմբերի 15-ին ընդունել է նախարարի հրաժարականի դիմումը եւ արդեն ժամանակավոր պաշտոնակատար է նշանակել:
Նովակն ստիպված է եղել հրաժարական ներկայացնել այն բանից հետո, երբ դատախազությունը նրան անձեռնմխելիությունից զրկելու գործընթաց է սկսել` հայտնի մակնիշի թանկարժեք ժամացույցը չհայտարարագրելու համար: Այդ աքսեսուարի արժեքը մասնագետները գնահատել էին առնվազն 17 հազար զլոտի` մոտ 6 հազ. դոլար: Համաձայն լեհական օրենսդրության` գույքի հայտարարագրում պետք է նշել 10 հազար զլոտին գերազանցող բոլոր իրերը:
