«Ճշտած» համագումար
Նոյեմբերի 23-ին «Անի» հյուրանոցում տեղի կունենա ՍԴՀԿ համագումարը, որի ժամանակ կուսակցության գործող ատենապետ Գևորգ Պերկուպեկյանի փոխարեն կընտրվի նոր ատենապետ: Նոյեմբերի 18-ին լրանում է այն ժամկետը, որի ընթացքում Վճռաբեկ դատարանը պետք է պատասխան տա ԱԺ պատգամավոր Լյուդմիլա Սարգսյանի հայցին, որով նա վիճարկում է Պետռեգիստրի կողմից Պերկուպեկյանի ղեկավարած կուսակցության գրանցման օրինականությունը:
Մինչ այդ, Արաբկիր վարչական շրջանի առաջին ատյանի դատարանը և Վերաքննիչ դատարանը Պետռեգիստրի որոշման մեջ որևէ օրինախախտում չէին հայտնաբերել: Եթե կուսակցության համագումար նշանակվում է նոյեմբերի 23-ին, կարելի է ենթադրել, որ այնտեղ տեղեկացված են, որ Վճռաբեկ դատարանը մեժելու է Սարգսյանի հայցը:
