Վրաստանի բոլոր նահանգապետները և Սաակաշվիլիի մամլո քարտուղարը հրաժարական են տվել
Грузия Online-ի փոխանցմամբ՝ Վրաստանի բոլոր նահանգապետները նախագահ Միխեիլ Սաակաշվիլիին ներկայացրել են հրաժարականի դիմում: Այս մասին հայտարարել է նախագահի մամլո քարտուղար Մանանա Մանջգալաձեն՝ ընդգծելով, որ օրվա վերջին կընդունվեն այդ բոլոր հայտարարությունները:
Նահանգապետերի հրաժարականին երկրում նախորդել են նախագահական ընտրությունները, որոնց արդյունքներով հաղթել է իշխող «Վրացական երազանք» դաշինքի թեկնածու Գեորգի Մարգվելաշվիլին, որի երդմնակալությունը տեղի է ունենալու նոյեմբերի 17-ին:
Հրաժարական տված նահանգապետներին տվյալ պաշտոնում նշանակել է արդեն իսկ նախագահի պաշտոնին հրաժեշտ տվող Միխեիլ Սաակաշվիլին: Հաջորդ նահանգապետերին նշանակելու է միլիարդատեր Բիձինա Իվանիշվիլիի համակիր Իրակլի Գարիբաշվիլիի գլխավորած կառավարությունը:
Այսօր հրաժարական է տվել նաև Մանանա Մանջգալաձեն: Այսօր նա վերջին մամուլի ասուլիսն է տվել որպես նախագահի մամլո քարտուղար:
