Հրդեհ` խմորեղենի արտադրամասում
Նոյեմբերի 14-ին, 21.48-ին ահազանգ է ստացվել, որ Երևանի Մասիսի փողոցում՝ «Միկմետալ» ՓԲԸ-ի պահեստային հատվածից ծուխ է նկատվում:
Դեպքի վայր է մեկնել երկու մարտական հաշվարկ: Պարզվել է, որ հրդեհը բռնկվել է Մասիսի փողոցի 1-ին նրբանցքի թիվ 6 հասցեում` Լ.Ս.-ին պատկանող «Ժոստլե» ՍՊԸ-ի խմորեղենի արտադրամասի պահեստային հատվածում (10 քմ): ԱԻ նախարարությունից հայտնում են, որ հրդեհը մեկուսացվել է ժամը 22.12-ին, մարվել՝ 22.19-ին:
Այրվել են տնտեսական իրեր և սննդամթերք:
