Ջոն Քերին Իրանի հարցում զգուշացրել է Կոնգրեսին
BBC-ի փոխանցմամբ՝ ԱՄՆ պետքարտուղար Ջոն Քերին Կոնգրեսին զգուշացրել է, որ Իրանի դեմ նոր պատժամիջոցների սահմանումը կարող է վնասել Իրանի միջուկային ծրագրի շուրջ տարվող բանակցություններին:
Քերին հայտարարել է, որ ԱՄՆ-ը և մյուս գերտերությունները պատրաստ են համաձայնագիր ստորագրելուն, որի համաձայն, Իրանի դեմ սահմանված պատժամիջոցները կարող են մեղմացվել, ինչի դիմաց Իրանը պետք է երաշխավորի, որ չի մշակի միջուկային զենք:
Քերին ընդգծել է, որ բանակցությունները կարող են տապալվել, եթե ներկա փուլում Իրանի դեմ սահմանվեն նոր պատժամիջոցներ, և Իրանը որոշի պատասխանել դրանց: Իրանի միջուկային ծրագրի վերաբերյալ բանակցությունների հաջորդ փուլը Ժնևում տեղի է ունենալու նոյեմբերի 20-ին:
