Մուրսին մտադիր է դատի տալ զինվորական վերնախավին
Ռուսական Интерфакс լրատվական գործակալության փոխանցմամբ՝ Եգիպտոսի նախագահի պաշտոնից գահընկեց արված Մոհամմեդ Մուրսին այսօր հայտարարել է, որ իրեն ձերբակալած զինվորականները գործել են ապօրինաբար՝ ընդգծելով, որ իրեն առևանգել են:
Այս մասին հայտարարել են նախկին նախագահի փաստաբանները: Վերջիններիս հաղորդմամբ՝ Մուրսին մտադիր է դատական հայց ներկայացնել հեղաշրջման պատասխանատու զինվորականների դեմ: Ներկայումս Մուրսին պահվում է Ալեքսանդրիայի մոտ գտնվող բանտում՝ սպասելով իր դատավարությանը, որը հետաձգվել է մինչև 2014 թվականի հունվարի 8-ը:
