Իսրայելը սառեցրել է Արևմտյան ափին և Արևելյան Երուսաղեմում 24.000 տների կառուցումը
Ռուսական ИТАР-ТАСС լրատվական գործակալության փոխանցմամբ՝ Իսրայելի վարչապետ Բենիամին Նեթանյահուն կարգադրել է Շինարարության նախարար Ուրի Արիելին վերանայել Հորդանան գետի Արևմտյան ափի ավաններում և Արևելյան Երուսաղեմում 24.000 տներ կառուցելու պլանը:
Իսրայելի վարչապետն ընդգծել , որ դա անիմաստ քայլ է իրավական և գործնական առումներով: Նեթանյահուն քննադատել է նախարարին՝ առանց նախնական որևէ կոորդինացման նոր տների կառուցման մասին մրցույթի հայտարարելու համար:
Նեթանյահուի խոսքերով՝ մրցույթի հրապարակումը «ոչ անհրաժեշտ հակամարտություն» է ստեղծում այն պահին, երբ Իսրայելը ջանքեր է գործադրում՝ միջազգային հանրությանը համոզելու համար Իրանի հետ առավել լավ պայմաններով համաձայնագիր կնքելու նպատակով:
