Բարաք Օբաման և Դևիդ Քեմերոնը քննարկել են Իրանի ու Սիրիայի հարցերը
Ռուսական РИА Новости լրատվական գործակալության փոխանցմամբ՝ ԱՄՆ նախագահ Բարաք Օբաման երեկ հեռախոսազրույց է ունեցել Մեծ Բրիտանիայի վարչապետ Դևիդ Քեմերոնի հետ: Հեռախոսազրույցի ժամանակ կողմերն աջակցություն են հայտնել Սիրիայի ու Իրանի վերաբերյալ Ժնևյան բանակցությունների շարունակմանը:
Այս մասին հայտարարել է Սպիտակ տունը: Օբաման ու Քեմերոնն ընդգծել են, որ մեծ սպասելիքներ ունեն Իրանի միջուկային ծրագրի շուրջ նոյեմբերի 20-ին Ժնևում կայանալիք «Վեցյակի» ու Իրանի միջև բանակցությունների նոր փուլից: Սիրիայի հետ կապված՝ նրանք կողմ են արտահայտվել «Ժնև 2» կոնֆերանսի անցկացմանը և ողջունել են սիրիական ընդդիմության հայտարարությունն այդ կոնֆերանսին մասնակցելու պատրաստակամության վերաբերյալ:
