Բյուլենթ Արընչը հրաժարական է տալու. մամուլ
Թուրքական Haberler.com լրատվական կայքի փոխանցմամբ՝ Թուրքիայի փոխվարչապետ և կառավարության խոսնակ Բյուլենթ Արընչը լքելու է զբաղեցրած պաշտոնը՝ կապված ուսանողական հանրակացարանները սեռի ցուցանիշով տարանջատելու հարցում կառավարությունում առկա տարաձայնությունների մեծացման հետ:
Այս մասին հայտնել են կառավարությունում լրատվամիջոցի աղբյուրները: Նրանց համաձայն, Բյուլենթ Արընչին փոխարինելու է մեկ այլ փոխվարչապետ Բեքիր Բոզդաղը: Ավելի վաղ հաղորդվել էր, որ Արընչը հավանության չէր արժանացրել հանրակացարանները տարանջատելու վերաբերյալ Էրդողանի նախաձեռնությունը:
