Ծերանոցի սանիտարը 8 մլն ֆունտ է շահել
Բրիտանիայում 62-ամյա Ռոն Էլիոթը վիճակախաղով 8 մլն ֆունտ է շահել: Էլիոթը, ով աշխատում է ծերանոցում որպես սանիտար, միանգամից միլիոնատեր է դարձել:
Սակայն զարմանալին այն է, որ ուրախալի լուրն ամենեւին էլ չի խանգարել, որ նա հաջորդ առավոտ գնա աշխատանքի: Ռոնը հայտարարել է, որ չի պատրաստվում լքել իր խնամքի կարիքն ունեցող ծերերին: «Նրանց մի մասը տառապում է զառամախտով, մյուսները ուղղակի պառկած են: Ինչպես կարող են նրանք առանց ինձ»,-հայտարարել է նորաթուխ միլիոնատերը, հաղորդում է Вести.Ru-ն:
