Շանթն իր վրա վերցրեց կենդանի դետոնատորի պարտականությունը. ազատամարտիկ
Հայաստանում քաղաքական համակարգը մնաց միայն որպես դրույթ Սահմանադրության մեջ, իսկ դե ֆակտո մահացավ: Նոյեմբերի 7-ին Ազատության հրապարակում ազատամարտիկների հանրահավաքի ժամանակ այս մասին ասել է ազատամարտիկ Խաչիկ Ավետիսյանը, հաղորդում է 1in.am-ը : Նրա խոսքով՝ քաղաքական մահն անխուսափելիորեն պիտի բերեր տնտեսական աղետի: «Այն աղետը, որում մենք գոյատևում ենք՝ արտագաղթ, կոռուպցիա, աչքակապություն. սրանք լոկ հետևանքներն են: Հայաստանում կան երեք տիպի մարդիկ. առաջին տիպը չի ընդունում իրողությունը, բայց գտնում է պայքարն անիմաստ և արտագաղթում է, երկրորդ տիպը հարմարվում է իրողությանը և դառնում է իշխանության հենարանը, երրորդ տիպը կտրականապես չի ընդունում իրողությունը, սակայն չունենալով քաղաքական պայքարի պատշաճ փորձ՝ բռնում է սպասողական դիրք»,- ասել է նա:
Տեսանյութը` սկզբնաղբյուր կայքում:
