Պուտինը դեմ է միգրացիոն օրենսդրության խստացմանը
Ռուսաստանի նախագահ Վլադիմիր Պուտինը հայտարարել է, որ անհրաժեշտ չի համարում Ռուսաստանում միգրացիոն օրենսդրության խստացումը, եւ լիբերալների առաջնորդ Վլադիմիր Ժիրինովսկուն խնդրել է իր ընտրազնագվածի ուշադրությունը հրավիրել պետության հիմնարար շահերի վրա, հաղորդում է “Ինտերֆաքսը”:
«Օրենսդրությունը պետք չէ խստացնել, պետք է հասնել օրենքների, երկրի մշակույթի եւ սովորույթների լիակատար հարգմանը»,-հայտարարել է Պուտինը` ընդունելով ռուսաստանցի լիբերալների առաջնորդ Վլադիմիր Ժիրինովսկուն:
Ժիրինովսկին հանդիպմանը հայտարարել է, որ իրենց կուսակցության համար «կենսական կարեւորության է միգրանտների հարցը»: Պատասխանելով նրան` Պուտինն ասել է. «Դուք ունեք ձեր կայուն ընտրազանգվածը: Իմ խնդրանքն է աշխատել ընտազանգվածի հետ այնպես, որպեսզի նրանք հասկանան մեր պետության ֆունդամենտալ շահերը»:
