Սերժ Սարգսյանն առաջարկել է Իշխան Զաքարյանի թեկնածությունը
ՀՀ նախագահ Սերժ Սարգսյանը Վերահսկիչ պալատի նախագահի պաշտոնում վերաառաջարկել է Իշխանի Զաքարյանի թեկնածությունը: Այս մասին 168.am-ի հետ զրույցում ասաց ԱԺ տեղեկատվության և հասարակայնության հետ կապերի վարչության պետ Գոհար Պողոսյանը: Նա հայտնեց, որ նախագահի գրությունն արդեն ստացվել է Ազգային ժողով, ապա հավելեց, որ ՎՊ նախագահի նշանակման հարցը կընդգրկվի նոյեմբերի 11-ի ԱԺ քառօրյա նիստերի օրակարգում: Վաղը Իշխան Զաքարյանը կհանդիպի նաև խորհրդարանական խմբակցությունների հետ: Հիշեցնենք, որ նոյեմբերի 5-ին ավարտվել էր Ի. Զաքարյանի պաշտոնավարման վեցամյա ժամկետը:
