Թուրքիան հանդես է գալիս տարածաշրջանի երկրների ռազմականացման դեմ. Աբդուլլահ Գյուլ
Թուրքական TRT Haber հեռուստաալիքի փոխանցմամբ՝ Թուրքիան հանդես է գալիս տարածաշրջանի երկրների ռազմականացման դեմ: Այս մասին հայտարարել է Թուրքիայի նախագահ Աբդուլլահ Գյուլը:
Վերջինիս խոսքերով՝ տարածաշրջանի երկրների ռազմականացումը նպաստելու է նրանց տնտեսությունների անկմանը: Գյուլն ընդգծել է, որ մի շարք երկրներ ներքաշվել են սպառազինությունների մրցավազքի մեջ, ինչը կարող է հանգեցնել տարածաշրջանային լուրջ հետևանքերի:
Թուրքիայի նախագահն ափսոսանք է հայտնել, որ տարածաշրջանի մի շարք երկրներ ունեն զանգվածային ոչնչացման զենք (ԶՈԶ): Նա հիշեցրել է, որ անկարան ավելի վաղ հանդես է եկել մերձավորարևելյան տարածաշրջանը վերածել ԶՈԶ-ից զուրկ գոտու:
