ԱՄՆ կառավարության ֆինանսավորումը կարող է դադարեցվել. Սպիտակ տունն ու կոնգրեսը բյուջեի հարցում համաձայնության չեն գալիս
Երեքշաբթի կարող է ժամանակավորապես դադարեցվել ԱՄՆ դաշնային կառավարության ֆինանսավորումը, եթե ԱՄՆ կոնգրեսում հանրապետականներն ու դեմոկրատները բյուջեի վերաբերյալ փոխզիջում ձեռք չբերեն: Այդ դեպքում երկիրը հոկտեմբերի 1-ին նոր ֆինանսական տարին կսկսի առանց բյուջեի:
Ֆինանսավորման դադարեցումը համընդհանուր գործադուլներ չի առաջացնի, այն կվերաբերի առաջին հերթին պետական հաստատություններին եւ պետծառայողներին, որոնց կարող են ուղարկել չվճարվող արձակուրդի: Կառավարությունը ժամանակավորապես արդեն փակվել է 17 անգամ, վերջին անգամ դա եղել է ուղիղ 17 տարի առաջ:
