Ավտովթար Նոյեմբերյան քաղաքում. կան տուժածներ
Սեպտեմբերի 26-ին, ժամը 23.09-ին տեղեկություն է ստացվել, որ Տավուշի մարզի Նոյեմբերյան քաղաքի Ծովանի թաղամասում տեղի է ունեցել ՃՏՊ, կան տուժածներ. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Դեռևա չբացահայտված հանգամանքներում Նոյեմբերյան-Իջևան ավտոճանապարհի 1.5 կմ-ին «Շևրոլե-Նիվա» մակնիշի 588 ՕՍ 64 պետհամարանիշով ավտոմեքենան դուրս է եկել ճանապարհի երթևեկելի հատվածից և բախվել հենասյանը:
Մինչ հրշեջ-փրկարարների կանչի վայր հասնելը` վարորդ 1957 թ. ծնված Մ. Մ.-ը և 1972 թ. ծնված Ա. Վ.-ը հոսպիտալացվել են Նոյեմբերյանի բժշկական կենտրոն:
Հրշեջ-փրկարարաները հոսանքազրկել և գազազրկել են ավտոմեքենան:
Բժիշկները Մ. Մ.-ի առողջական վիճակը գնահատել են ծանր, իսկ Ա. Վ.-ինը՝ բավարար:
