ՌԴ-ում կճանաչվեն 23 երկրների դիպլոմներ
ՌԴ վարչապետ Դմիտրի Մեդվեդևը հաստատել է արտասահմանյան բարձրագույն կրթական հաստատությունների ցանկը, որոնց դիպլոմները ճանաչվելու են Ռուսաստանում: Համաձայն փաստաթղթի` կճանչվեն 23 երկրի 201 բուհերի դիպլոմներ:
Ցուցակում այն համալսարաններն են, որոնք ներառված են ամենահեղինակավոր վարկանիշային աղյուսակներում` «Academic Ranking of World Universities», «QS World University Rankings», «The Times Higher Education World University Rankings» և այլն:
201 համալսարանների թվում են Քեմբրիջի համալսարանը, Մյունխենի տեխնիկական համալսարանը, Դուբլինի Թրինիտի քոլեջը, Սինգապուրի ազգային համալսարանը, Մասաչուսեթսի տեխնոլոգիական համալսարանը, Ստոկհոլմի, Կիոտոյի համալսարանները եւ այլն:
Փաստաթուղթը չի վերաբերում այն երկրներին, որոնց հետ, այդ թվում` Հայաստանի, Ռուսաստանն ունի հատուկ պայմանագրեր:
