Վթար` Կողբացի-Արամի փողոցների խաչմերուկում. գազի արտահոսք է առաջացել
Սեպտեմբերի 22-ին, ժամը 14.36-ին տեղեկություն է ստացվել, որ Երևանի Մարգարյան հիվանդանոցի ծննդատան մոտակայքում տեղի է ունեցել ՃՏՊ, առկա է գազի արտահոսք. անհրաժեշտ է օգնություն:
Դեպքի վայր է մեկնել մեկ մարտական հաշվարկ, հայտնում են ԱԻ նախարարությունից: Պարզվել է, որ Կողբացի-Արամի փողոցների խաչմերուկում բախվել են Նիսսան մակնիշի 30 ԼՕ 859 և Վոլկսվագեն մակնիշի Լ5177 պետհամարանիշերով ավտոմեքենաները: Տուժածներ չկան:
Հրշեջ-փրկարարները դադարեցրել են գազի արտահոսքը և հոսանքազրկել ավտոմեքենան:
