Կինը կախվել է ոստիկանական մեքենայի մեջ
Սանկտ-Պետերբուրգում սեպտեմբերի 21-ի գիշերը ինքնասպան է եղել 41-ամյա մի կին։ Նա կախվել է ոստիկանական մեքենայի՝ ձերբակալվածների համար առանձնացված մասում՝ սպորտային հագուստի քուղի միջոցով։
Այդ պահին ոստիկանական մեքենան կայանված է եղել Բորովոյ փողոցի 24 տան մոտ։
Կինը ձերբակալվել էր նախօրեին՝ պատահական անցորդին մարմնական վնասվածքներ հասցնելու համար։ Նրան տեղափոխում էին բուժհաստատություն՝ սթափության աստիճանը որոշելու համար։
Ոստիկանությունից Lifenews.ru-ին հայտնել են, որ կնոջն ուղեկցող ոստիկաններին հնարավոր է կարգապահական պատասխանատվության ենթարկեն։
