Իվանիշվիլին տորպեդահարում է Բաքու-Թբիլիսի –Կարս նախագիծը. Սահակաշվիլի
Վրաստանի նախագահ Միխայիլ Սահակաշվիլին հայտարարել է, թե Վրաստանում իշխանության փոփոխությունից հետո մտահոգիչ իրադարձություններ են տեղի ունենում: Մասնավորապես նա նշել է, որ գործող կառավարությունը դադարեցնում է Վրաստանի համար ռազմավարական նշանակություն ունեցող եւ երկիրը Եվրոպայի հետ կապող Բաքու –Թբիլիսի –Կարս երկաթգծի շինարարությունը` փոխարենը ինտեսիվորեն աշխատելով Ռուսաստանի հետ կապող Վերին Լարսի ճանապարհի վրա:
virtualaz.org-ի փոխանցմամբ` երկաթգծի կառուցումը նախատեսվում էր ավարտել 2014-թին, սակայն աշխատանքներն իսկապես դանդաղել են: Սահակաշվիլիի խոսքով` շինարարությունը կդադարեցվի երկու տարով: Վրաստանի նախագահը նաեւ կարծիք է հայտնել, որ այս նախագծից հրաժարումը Վրաստանին կհեռացնի Եվրոպայից եւ Ռուսաստանի հետ կկապի ստրկատիրական հարաբերություններով:
