Սահակաշվիլին Յուշչենկոյին ոտքերով խաղող ճզմել է սովորեցրել
Վրաստանի նախագահ Միխայիլ Սահակաշվիլին, որին երկիրը կառավարելու համար մոտ մեկ ամիս է մնացել, իր ամառանոցում ընդունել է Ուկրաինայի նախկին նախագահ Վիկտոր Յուշչենկոյին: Իրար հետ նրանք խաղող ենք հավաքել, որից հետո այն ոտքերով ճզմել են` գինի պատրաստելու համար, տեղեկացնում է «Грузия Online»-ը:
Սահակաշվիլին, ով նախագահական ժամկետի ավարտից հետո պատրաստվում է զբաղվել գինեգործությամբ, տուն եւ խաղողի այգի ունի Կախեթի մարզում: Ավանդույթի համաձայն ամեն տարի բերքահավաքի ժամանակ նա հյուրընկալում է արտասահմանցի որեւէ հայտնի քաղաքական գործչի:
