Հատուկ ծառայության աշխատակիցը անսթափ վիճակում կրակել է ադրբեջանցու աչքին

Սիմֆերոպոլում ՈՒԱԾ-ի (Ուկրաինայի անվտանգության ծառայություն) աշխատակիցը, գտնվելով հարբած վիճակում, կրակել է Ադրբեջանի քաղաքացու դեմքին։ Այս մասին գրում է «Комментарии»-ն։

Կրակոցն արձակվել է տրավմատիկ ատրճանակից։ Ադրբեջանցին կորցրել է աչքը և ներկայումս գտնվում է հիվանդանոցում։

Կրակողը ձերբակալվել է։ Ըստ հրատարակչության տվյալների՝ նա աշխատում է ՈՒԱԾ Սումսկի շրջանի վարչությունում և Սիմֆերոպոլ էր եկել արձակուրդն անցկացնելու համար։ Ձերբակալության պահին նա այն աստիճանի հարբած է եղել, որ չի կարողացել որևէ կերպ պատճառաբանել իր արարքը։

Ըստ ականատեսների, կրակոցի պատճառը եղել է կենցաղային վեճը։ Այլ մանրամասներ չեն հաղորդվում։