Խոշոր ավտովթար՝ Արագածոտնի մարզում (լրացված)
Ինչպես տեղեկացրել ենք, սեպտեմբերի 15-ին, ժամը 08.03-ին տեղեկություն է ստացվել, որ Աշտարակ-Թալին ավտոոճանապարհին՝ Արուճ գյուղի մոտակայքում, տեղի է ունեցել ՃՏՊ:
shamshyan.com-ը տեղեկացնում է, որ «Ալֆա Ռոմեո» մակնիշի 33 ՕT 611 համարանիշի ավտոմեքենայի վարորդը Երևան-Գյումրի ավտոճանապարհի 50 կմ հատվածում՝ Առուճ գյուղից դեպի Ագարակ գյուղ տանող ճանապարհին, նշված ավտոմեքենայով դուրս է եկել երթևեկելի գոտուց և գլխիվայր շրջվելով 70 մետր՝ հայտնվել ժայառաբեկորների մոտ:
ԱԻ նախարարությունից հայտնում են, որ «Ալֆա Ռոմեո» -ի ուղևորներ՝ Ինխարբեկ Ամիրխանովը, Մարգար Մարգարյանը (1999 թ.) և Կարինե Ստադոննայան (1993 թ.) շտապօգնության ավտոմեքենայով տեղափոխվել են Երևանի «Արմենիա» ԲԿ, որտեղ ըստ բժիշկների տուժածների առողջական վիճակը գնահատվել է ծանր, իսկ վարորդ՝ ՌԴ-ի քաղաքացի Սամիլ Առսլանովին (1987 թ.) հրշեջ-փրկարարները դուրս են բերել ավտոմեքենայից և տեղափոխել Աշտարակ քաղաքի ԲԿ, որտեղ ըստ բժիշկների տուժածի առողջական վիճակը գնահատվել է միջին ծանրության:
Հրշեջ-փրկարարները իրականացրել են ճանապարհի լվացման աշխատանքներ:
