Հաշվեհարդարի սպառնալիքներ՝ կալանավայրում ու դրանից դուրս
Դատապարտյալին մոլեխաղի մեջ ներքաշելու և պարտված գումարը չվճարելու դեպքում հաշվեհարդարի սպառնալիքների փաստի առթիվ սեպտեմբերի 10-ին քրեական գործ է հարուցվել ՀՀ քրեական օրենսգրքի 182 հոդվածի 2-րդ մասի 2-րդ և 3.1-րդ կետերով՝ Շորթում: Այս մասին տեղեկացնում է «Փաստինֆոն»:
Նույն օրը նույն հոդվածով կասկածվող Վահան Աղաջանյանն ձերբակալվել է: Քրեական գործը հարուցվել է նույն օրը ոստիկանության Մալաթիայի բաժնում՝ դատապարտյալի կնոջ՝ Կլարա Մարգարյանի կողմից տրված հաղորդման հիման վրա: Ըստ այդմ, ՀՀ ԱՆ «Արթիկ» ՔԿՀ-ում պատիժ կրող իր ամուսնուն՝ Գագիկ Մուրադյանին, նույն ՔԿՀ-ի դատապարտյալ ոմն Զավենը ներքաշել է մոլեխաղի մեջ, որի ընթացքում Գ.Մուրադյանը պարտվել է 2.000.000 ՀՀ դրամ: Նշված գումարը ստանալու համար ոմն Զավենը պարբերաբար զանգահարել է իրեն և պահանջել նշված գումարը՝ հակառակ դեպքում սպառնալով հաշվեհարդար տեսնել ամուսնու և իր հետ: Նախաքննությամբ բավարար տվյալներ են ձեռք բերվել այն մասին, որ Գագիկ Մուրադյանը ՔԿՀ-ում մոլեխաղով պարտվել է խոշոր չափերի հասնող 2.000.000 ՀՀ դրամ գումար և նույն քրեակատարողական հիմնարկի դատապարտյալներ Զավենի, Կարենի և Խչոյի կողմից սպառնալիքներ են եղել Գագիկ Մուրադյանի և նրա կնոջ՝ Կլարա Մարգարյանի հասցեին՝ գումարը չվերադարձնելու հետ կապված:
Կարդացեք սկզբնաղբյուր կայքում:
