Կարեն Բաբակեխյանն ու Աշոտ Կարապետյանը` «մսագո՞րծ»
ԳԱԼԱ-ի փոխանցմամբ՝ այսօր Շիրակի մարզի ընդհանուր իրավասության դատարանում շարունակվել է Կարեն Եսայանի սպանության գործով դատաքննությունը, որը տևել է մի քանի ժամ:
Ամբաստանյալ, սպանության մեջ մեղադրվող Հարություն Սարգսյանի փաստաբան Լուսինե Սահակյանը լրագրողների հետ առանձին զրույցում անդրադարձել է ՀՀ դատախազության վերջին հայտարարությանը, համաձայն որի քրեական գործ է հարուցվել Հ. Սարգսյանին՝ ոստիկանական կառույցներում ծեծի ենթարկելու և նրա մարմնական վնասվածքները թաքցնելու փաստերով:
Այս քրեական գործը հետաքրքիր է նրանով, որ առնչվում է ՀՀ ոստիկանական համակարգում աշխատող և պատասխանատու պաշտոններ զբաղեցնող երկու անձանց՝ Շիրակի մարզի ոստիկանապետ Կարեն Բաբակեխյանի և Երևան քաղաքի ոստիկանապետ Աշոտ Կարապետյանի հետ:
«Հարություն Սարգսյանի նկատմամբ ինչպես Շիրակի մարզային վարչությունում, այնպես էլ Երևան տեղափոխելուց հետո ձերբակալվածների պահման վայրում ֆիզիկական բռնություն է գործադրվել, և Հարությունը բացատրություն է տվել այն մասին, որ բռնություն գործադրողների թվում եղել է նաև Կարեն Բաբակեխյանը: Ձերբակալվածների պահման վայրում այն անձը, ով բռնություն է գործադրել իր նկատմամբ ինչպես Գյումրիում, այնպես էլ Երևանում, ներկայացել է որպես քրեական հետախուզության վարչության պետ: Նա իհարկե նկարագրել է տվյալ անձին, ասել է, որ կճանաչի և ՛ իրեն, և՛ բռնություն գործադրած այն անձանց, ովքեր դիմակավորված չեն եղել: Հաղորդման հիման վրա նյութեր են նախապատրաստվել»,-հայտարարել է Լուսինե Սահակյանը:
Մանրամասները կարդացեք այստեղ՝
