Ի՞նչ է պատահել ԵՄ-ին ու եվրոպական արժեքներին. Ռեջեփ Էրդողան
Բրիտանական Reuters լրատվական գործակալության փոխանցմամբ՝ Թուրքիայի վարչապետ Ռեջեփ Էրդողանը քննադատել է ԵՄ-ին, որ վերջինս բավական վճռականությամբ չի դատապարտել Եգիպտոսի վերջին իրադարձությունները:
Էրդողանը ԵՄ-ին մեղադրել է երկակի ստանդարտներ կիրառելու մեջ՝ հիշեցնելով, որ վերջինս բարձրացրել է Թուրքիայում անցկացված բողոքի ակցիաների ժամանակ ոստիկանության կողմից արցունքաբեր գազի կիրառման հարցը, սակայն լռել է Կահիրում անցկացվող բողոքի ակցիաների ժամանակ իրականացվող սպանությունների կապակցությամբ.
«Նրանք, ովքեր լռել են, երբ ոչնչացվել է Եգիպտոսի ազգային կամքը, նորից լռում են, երբ սպանում են մարդկանց: Ի՞նչ է պատահել ԵՄ-ին ու եվրոպական արժեքներին, ո՞ւր են նրանք, ովքեր ժողովրդավարության դասեր են տալիս:
Ո՞ւր է ՄԱԿ-ը: Ո՞ւր են նրանք, ովքեր աղմուկ բարձրացրին, երբ թուրքական ոստիկանությունն օգտագործեց կատարելապես արդարացված ու օրինական ձևով արցունքաբեր գազ և ջրցան մեքենաներ, այժմ, երբ Եգիպտոսում տեղի ունեցավ պետական հեղաշրջում և սպանդ»:
