Գերմանիայում հայտարարվել է հատուկ «ջերմային նախազգուշացում»
Ռուսական ИТАР-ТАСС լրատվական գործակալության փոխանցմամբ՝ Գերմանիան գտնվում է ռեկորդային բարձր ջերմաստիճանի սպասումների մեջ: Այսօր երկրում հայտարարվել է հատուկ «ջերմային նախազգուշացում»:
Առաջիկա հանգստյան օրերին երկրի մի շարք շրջաններում ջերմաստիճանը կարող է բարձրանալ մինչև 39 աստիճան: Կիրակի Բեռլինում կգրանցվի 37 աստիճանի տաքություն:
Օդերևութաբանները զգուշացրել են, որ շոք եղանակը պարունակում է բազմաթիվ վտանգներ, ինչն առաջին հերթին առնչվում է անտառային հրդեհների բռնկմանը: 1983 և 2003 թվականների ամռանը Գերմանիայում գրանցվել է 40.2 աստիճանի տաքություն:
