Թուրքիայի ռազմածովային ուժերը համալրվել են ATR-72 -600 տիպի առաջին ինքնաթիռով
![](https://168.am/wp-content/uploads/2013/07/meltem-3-projesinde-ilk-ucak-alindi-3477614.jpeg)
Թուրքական Milliyet թերթի փոխանցմամբ՝ Թուրքիայի ռազմածովային ուժերը համալրվել են ATR-72 -600 տիպի ինքնաթիռի առաջին օրինակով: Դա տեղի է ունեցել Meltem 3 նախագծի շրջանակներում, որով նախատեսված է ստանալ ևս 7 այդպիսի ինքնաթիռ:
Ինքնաթիռը հատկացրել է իտալական Alenia Aeronautica ընկերությունը, այն կօգտագործվի ծովային պարեկության և հակասուզանավային գործունեության նպատակով: Ինքնաթիռն ունակ է հարվածել թե՛ վերջրյա, թե՛ ստորջրյա թիրախներին: