Վալերի Օսիպյանը ակցիայի մասնակից Գևորգ Սաֆարյանին սադրիչ անվանեց
Երևանի քաղաքապետարանի դիմաց ժամը 12:00-ից սկսված ակցիան շարունակվում է: Ինչպես արդեն տեղեկացրել էինք, ակտիվիստները պատրաստվում էին դիմում ներկայացնել քաղաքապետարան: Քիչ առաջ Երևանի փոխոստիկանատեպ Վալերի Օսիպյանը հայտնեց, որ այն արդեն հանձնվել է քաղաքապետարանի նամակների բաժին և մուտք է արվել քաղաքապետարան: Նա շնորհակալություն հայտնեց ակցիայի մասնակցիներին՝ այդկերպ կարգը պահպանելու համար:
Միևնուն ժամանակ, Վալերի Օսիպյանն ասաց, որ ակցիան խաղաղ բնույթ ունի, սակայն մասնակիցների շարքում կան նաև սադրիչներ: Ակցիայի մասնակից Գևորգ Սաֆարյանին Վալերի Օսիպյանը սադրիչ անվանեց և նշեց, որ վերջինս հրահրում է քաղաքացիներին: Իսկ քաղաքացիները ոստիկանների ուշադրությունը հրավիրեցին այն բանի վրա, որ քաղաքապետարանի առջև կայանած ավտոմեքենաներից մեկի վրա չկա փակցված տեխզննման կտրոն:
Այս պահին մի խումբ ակտիվիստներ այժմ նստացույց են հայտարարել: Նրանք նշում են, որ նստացույցն անժամկետ է, շարունակելու են մինչև իրենց պահանջները կատարեն:
