Վ. Գասպարյանի խորհրդական. Խոստացել են վաղը առավոտյան Բաքվի ժամանակով 07:10-ի չվերթով մեր հայրենակցին հետ ուղարկել Կիև
ՀՀ ոստիկանապետ Վլադիմիր Գասպարյանի խորհրդական Նարեկ Մալյանը քիչ առաջ ֆեյսբուքյան իր էջում գրել է.
«Ասատուր Խաչատրյանենց տանից հենց նոր դուրս եկա: Ուկրաինական իշխանությունները մեր դեսպանատան հետ համատեղ աշխատում են իրավիճակի շտկման ուղղությամբ: Նախ ասեմ` խոստացել են վաղը առավոտյան Բաքվի ժամանակով 07:10 -ի չվերթով մեր հայրենակցին հետ ուղարկել Կիև:
Ուկրաինան Ասատուրի ելքը երկիր փակել է, այնպես որ նրան Կիևից անմիջապես կվերադրձնեն Երևան:
Իրար եմ խառնել բոլոր հնարավոր ուկրաինական կապերը`դիվանագիտականից մինչև անձնական:
Բոլորը խոստացել են, որ Ասատուրի գլխից մազ չի պակասի…
համբերություն նրա ծնողներին»:
