ՀՀ գլխավոր դատախազն ընդունել է Ռումինիայի դեսպանին
ՀՀ գլխավոր դատախազ Աղվան Հովսեփյանն ընդունել է ՀՀ-ում Ռումինիայի արտակարգ և լիազոր դեսպան Կրինա Ռոդիքա Պրունարիուին, ով ավարտում է իր դիվանագիտական առաքելությունը Հայաստանում։
Ա.Հովսեփյանը բարձր է գնահատել դեսպանատան հետ ձեւավորված համագործակցությունը և շնորհակալություն հայտնել դեսպանին՝ իր պաշտոնավարման ընթացքում երկու երկրներ դատախազությունների միջեւ փոխգործակցությունը զարգացնելու, համագործակցության հուշագրի ստորագրման գործում ունեցած մեծ ներդրման համար:
ՀՀ գլխավոր դատախազը դեսպանին պարգևատրել է դատախազության 95-ամյակի հուշամեդալով:
Իր հերթին տիկին դեսպանը շնորհակալություն է հայտնել համատեղ աշխատանքի համար՝ արձանագրելով, որ կշարունակի մնալ Հայաստանի բարեկամը։
