Իլհամ Ալիևը նոյեմբերին մեկնելու է Թուրքիա. աղբյուր
Ադրբեջանական Salam News լրատվական գործակալության փոխանցմամբ՝ Ադրբեջանի նախագահ Իլհամ Ալիևը նոյեմբերին մեկնելու է Թուրքիա: Այս մասին գործակալությանը հայտնել է դիվանագիտական շրջանակներում ունեցած նրա աղբյուրը:
Վերջինիս հաղորդմամբ՝ Ալիևը գլխավորելու է ադրբեջանական մեծաթիվ պատվիրակությունը, որը մասնակցելու է նոյեմբերին Թուրքիայում կայանալիք Թուրք-ադրբեջանական բարձր մակարդակի համագործակցության խորհրդի երրորդ նիստին:
Այցի շրջանակներում նախատեսվում է ստորագրել մի շարք փաստաթղթեր՝ կապված երկկողմանի կապերի ընդլյանման հետ: Ներկայումս աշխատանքներ են տարվում տվյալ ուղղությամբ:
Հիշեցնենք, որ այս տարվա հոկտեմբերին Ադրբեջանում անցկացվելու են նախագահական ընտրություններ:
