ԱՄՆ-ը մշակել է Սիրիայում հարյուրավոր թիրախների սահմանափակ հարվածներ հասցնելու պլան
Ռուսական РИА Новости լրատվական գործակալության փոխանցմամբ՝ ամերիկացի զինվորականները պատրաստել են անհրաժեշտության դեպքում սիրիական բանակին, այդ թվում նաև ՀՕՊ-ի համակարգերին և հրամանատարական կետերին սահմանափակ հեռակա հարվածներ հասցնելու պլան:
Այս մասին հայտարարել է ԱՄՆ զինված ուժերի Շտաբների պետերի միացյալ հանձնաժողովի ղեկավար Մարտին Դեմփսին. «Պոտենցիալ թիրախներն են ՀՕՊ-ի ուժերը, ռազմաօդային ուժերը, ցամաքային զորքերը, հրթիռային սարքերը, նավատորմը, ինչպես նաև օժանդակ ռազմական օբյեկտներն ու հրամանատարական կետերը:
Օդային հեռահար հարվածները և հրթիռային հարվածները կարող են օգտագործվել՝ խոցելու համար մեր ընտրած հարյուրավոր թիրախներ: Այդպիսի հարվածներ հասցնելու համար անհրաժեշտ են հարյուրավոր ինքնաթիռներ, ռազմանավեր, սուզանավեր և այլ միջոցներ, իսկ ծախսերը կհաշվարկվեն միլիարդավոր դոլարներով:
Արդյունքը կդառնա (Սիրիայում իշխող) վարչակարգի զգալի թուլացումը և դասալքության աճը: Կա ռիսկ, որ վարչակարգը կարող է դիմանալ սահմանափակ հարվածներին՝ կենտրոնացնելով ուժերը: Պատասխան հարձակումներ նույնպես հնարավոր են»:
