McDonald’s-ը հիասթափեցրել է ներդրողներին

Վաճառքի ծավալներով աշխարհի ամենախոշոր արագ սպասարկման ռեստորանների ցանցի՝ McDonald’s Corp-ի շահույթն այս տարվա երկրորդ եռամսյակում աճել է 3.7%-ով։

Ընկերության զուտ շահույթը հաշվետու ժամանակաշրջանում կազմել է 1.4 միլիարդ դոլար (1.38 դոլար՝ յուրաքանչյուր բաժնետոմսի գծով)։

Թեպետ մրցակից ընկերությունների շահույթը աճել է ավելի քիչ չափով՝ 1%-ով, ընկերության բաժնետերերն այնքան էլ գոհ չեն ցուցանիշներից։ Նրանք մեկ բաժնետոմսի դիմաց ակնկալում էին 1.4 դոլար։

Այս դժգոհության արդյունքում ընկերության բաժնետոմսերի գինը բորսայում նվազել է 2 տոկոսով։