Հրաչյա Հարությունյանը հրաժարվել է ցուցմունքներ տալ
Ռուսական РИА Новости լրատվական գործակալության փոխանցմամբ՝ Հրաչյա Հարությունյանը, ով մեղադրվում է նոր Մոսկվայում տեղի ունեցած ավտովթարի գործով, հրաժարվել է ցուցմունքներ տալ:
Այս մասին հայտարարել է մայրաքաղաքի ոստիկանության մամուլի ծառայության ներկայացուցիչը. «Այսօր պլանավորված էր հարցաքննել նրան՝ որպես մեղադրյալ: Հարությունյանը հրաժարվել է ցուցմունքներ տալ քննիչին»:
Հարությունյանի մասնակցությամբ հուլիսի 13-ին Պոդոլսկի մոտ գրանցված ավտովթարի հետևանքով զոհվել է 18 և վիրավորվել է ավելի քան 40 մարդ: Դրա հետ կապված՝ Հարությունյանին նախնական կալանքի տակ են վերցրել մինչև սեպտեմբերի 13-ը:
