Հաքերները կոտրել են Apple ընկերության ծրագրավորողների կայքը
Հաքերները կոտրել են Apple ամերիկյան կորպորացիայի ծրագրավորողների կայքը, որտեղ տեղադրված են Apple iOS 7 օպերացիոն համակարգի վերջին թարմացումները: Այս մասին նշված է ընկերության տարածած հաղորդագրության մեջ:
Ծառայությունը անջատել են չորեքշաբթի առանց պատճառաբանության, իսկ կիրակի օրը կորպորացիան ծրագրավորողներին նամակներ է ուղարկել, որտեղ նշված է եղել հաքերային հարձակման մասին:
Ընկերությունն արդեն ներողություն է խնդրել անհարմարությունների համար և հայտնել է, որ հաքերները կարող էին մուտք ստանալ ծրագրավորողների որոշ տվյալներին: Սակայն Apple-ի ներկայացուցիչները պնդում են, որ ամբողջ տեղեկությունները կոդավորված է եղել: Կորպորացիայում նշել են, որ քանի որ կայքը հասանելի չէ սովորական օգտվողների համար, ապա նրանց տվյալները չէին կարող հայտնվել հաքերների ձեռքում:
