Եգիպտոսը վերացրել է սիրիացիների համար սահմանված մուտքի վիզայի վճարը
Եգիպտական Al-Ahram թերթի փոխանցմամբ՝ Եգիպտոսն այսօր հայտարարել է երկիր ժամանող բոլոր սիրիացիների համար վիզային վճարի չեղյալ հայտարարման մասին: Տվյալ քայլը ձեռնարկվել է սիրիացիների տառապանքները մեղմացնելու և ներկայիս փորձություններում նրանց օգնելու նպատակով:
Բացի այդ, թերթի պնդմամբ՝ տվյալ քայլը վկայում է եղբայրական ժողովրդին Եգիպտոսի կողմից լիակատար աջակցություն ցուցաբերելու մասին: Եգիպտոսը Սիրիայի քաղաքացիների համար վիզային ռեժիմ էր սահմանել հուլիսի 8-ից և խստացրել էր երկիր ժամանող սիրիացիների ու պաղեստինցիների հանդեպ վերահսկողությունը:
Հունիսի 15-ին տվյալ ժամանակվա նախագահ Մոհամմեդ Մուրսին հայտարարել էր Դամասկոսի հետ դիվանագիտական հարաբերությունների լիովին խզման և դեսպանատան փակման մասին: Սիրիական հակամարտության սկսվելուց հետո Եգիպտոսում ապաստան են գտել մեծ թվով սիրիացի փախստականներ:
