Թուրքիայի գլխավոր շտաբը մեկնաբանել է Սիրիայի հետ սահմանային միջադեպերը
Թուրքական Haberler.com լրատվական կայքի փոխանցմամբ՝ Թուրքիայի զինված ուժերի Գլխավոր շտաբն իր ինտերնետային կայքում հայտարարություն է տարածել, որում նշել է, որ Թուրքիայի զինված ուժերը պատրաստ են յուրաքանչյուր պահի պատասխանել սիրիական կողմից գնդակոծություններին ու սադրանքներին:
Գլխավոր շտաբնը ընդգծել է, որ թուրք զինվորականներն իրենց լիազորության սահմաններում և երկրի տարածքի անվտանգության պաշտպանության նպատակով պատասխան կրակ են բացել Սիրիայի ուղղությամբ:
Հայտարարությունում նշված է նաև, որ թուրք-սիրիական սահմանին ուժեղացվելու են անվտանգության միջոցառումները՝ կապված թուրք-սիրիական սահմանին լարվածության աճի հետ: Բացի այդ, խստացվելու է Սիրիայի քաղաքացիների ու բեռների կողմից Թուրքիայի սահմանը հատելու վերահսկողությունը:
Թուրքիային սահմանակից Սիրիայի հյուսիսային շրջաններում շարունակվում են քրդերի ու իսլամիստների միջև կատաղի բախումները: Հուլիսի 17-ին Սիրիայի տարածքից արձակված կրակոցներից Թուրքիայի Հաթայ նահանգի Ջեյլանփընար շրջանում զոհվել է երկու մարդ:
Դրանից հետո թուրք-սիրիական սահմանին սկսել են շուրջօրյա պարեկություն կատարել Դիարբեքիրի ավիաբազայից օդ բարձրացված F-16 կործանիչները, որոնց տրվել է անհրաժեշտության դեպքում «Հարվածի՛ր» հրամանը:
