Թուրքիայում ավարտվել են Altay տանկի փորձարկումները
Թուրքական Sabah թերթի փոխանցմամբ՝ հունիսի 3-ից մինչև հուլիսի 10-ն ընկած ժամանակահատվածում Թուրքիայում իրականացվել են տեղական արտադրության Altay տանկի փորձարկումներ:
Տանկը հաջողությամբ է անցել այդ փորձարկումները, որոշվել է, որ նա համապատասխանում է տրված առաջադրանքների կատարմանը և պատրաստ է զանգվածային արտադրության: Նշվում է, որ տանկն այժմ դարձել է առավել ուժեղ՝ շնորհիվ Roketsan ընկերության զրահային համակարգի:
Altay տանկի ստեղծման մասին համաձայնագիրը Թուրքիայի պաշտպանության նախարարության Պաշտպանական արդյունաբերության քարտուղարության (SSM) և թուրքական Otokar ընկերության միջև կնքվել է 2007 թվականին:
Ակնկալվում է, որ փորձարկումների ավարտից հետո զանգվածային արտադրության առաջին պատվերում խոսք է գնալու 250 միավոր տանկի մասին: Ակնկալվում է, որ մեկ տանկի արժեքը կազմելու է 5.5 միլիոն դոլար:
