Սիրիան հուսով է, որ մինչև տարեվերջ կլուծվի ՌԴ-ից վարկի ստացման հարցը
Ռուսական ИТАР-ТАСС լրատվական գործակալության փոխանցմամբ՝ Սիրիայի փոխվարչապետ Քադրի Ջամիլը Ռուսաստանի արտգործնախարար Սերգեյ Լավրովի հետ հանդիպման ժամանակ հույս է հայտնել, որ Ռուսաստանը մինչև տարեվերջ կլուծի իր երկրին վարկ տրամադրելու հարցը:
Նա հավելել է, որ ներկայումս վարկի տրամադրման հարցը քննարկվում է փորձագետների մակարդակով՝ մանրամասնելով, որ այդ հարցն այսօր քննարկել է նաև ՌԴ արտգործնախարար Սերգեյ Լավրովի հետ: Փոխվարչապետի խոսքերով՝ տրամադրվելիք վարկի չափը դեռ հստակեցված չէ, խոսք է գնում տարբեր թվերի մասին:
Ջամիլն ու Լավրովը հայտարարել են, որ Սիրիայի հարցը պետք է լուծվի միայն քաղաքական ճանապարհով, որը չունի որևէ այլընտրանք:
