Չինաստանում գրանցվել է ուժգին երկրաշարժ. կան զոհեր
Չինական Xinhua լրատվական գործակալության փոխանցմամբ՝ այսօր առավոտյան ուժգին երկրաշարժ է գրանցվել Չինաստանի կենտրոնական հատվածում գտնվող Գանսու նահանգում: Երկրաշարժի ուժգնությունը կազմել է 6.6 մագնիտուդ:
Ուժգին երկրաշարժը գրանցվել է տեղական ժամանակով ժամը 07.45-ին և տևել է մոտ մեկ րոպե: Ստորերկրյա ցնցումները զգացվել են Դինսի, Լուննան, Տյանշույ, Լանչժոուի քաղաքներում և այլուր:
Վերջին տվյալներով՝ երկրաշարժի հետևանքով զոհվել է 47 մարդ: Ավելի վաղ նշվում էր 22 զոհվածի մասին: Երկրաշարժի հետևանքների վերացման գործընթացում ներառվել են բանակային ստորաբաժանումներ, ոստիկանությունը, ինչպես նաև կամավորներ:
