Ալի Խամենեին զգուշավորության կոչ է արել ԱՄՆ-ի հետ փոխհարաբերություններում
Ամերիկյան Associated Press լրատվական գործակալության փոխանցմամբ՝ Իրանի գերագույն ղեկավար և հոգևոր առաջնորդ, այաթոլլահ Ալի Խամենեին չի բացառել ԱՄՆ-ի հետ երկխոսելու հնարավորությունը:
Դրա հետ մեկտեղ նա զգուշավորության կոչ է արել ԱՄՆ կառավարության հետ հարաբերություններում՝ վերջինիս որակելով «անհուսալի»: Խամենեին համապատասխան հայտարարությունն արել է Թեհրանում իրանցի քաղաքական գործիչների առջև ելույթ ունենալիս.
«Այս տարի ես ավելի վաղ հայտարարել եմ, որ լավատեսությամբ տրամադրված չեմ ԱՄՆ-ի հետ բանակցությունների հարցում, թեև վերջին տարիներին չեմ արգելել առանձնահատուկ խնդիրների շուրւ, ինչպիսին օրինակ Իրաքն է, նրա հետ երկխոսելը:
Աշխարհի երկրների հետ հաջող փոխհարաբերությունների համար Իրանին անհրաժեշտ է հասկանալ նրանց նպատակներն ու մարտավարությունը: Իրանն ունակ է շարունակել իր ուղին՝ չնայած հակառակ կողմի գործադրած ջանքերին՝ դրան խոչընդոտելու համար»:
