Հռոմի պապն այսօր մեկնում է Բրազիլիա
Ռուսական ИТАР-ТАСС լրատվական գործակալության փոխանցմամբ՝ Հռոմի պապ Ֆրանցիսկոս I-ն այսօր մեկ շաբաթով մենկում է Բրազիլիա, ուր գլխավորելու է Կաթոլիկ երիտասարդության ХХVII Համաշխարհային օրվա անցկացումը:
Հռոմի պապն առաջարկել է այդ օրերն անվանել «Երիտասարդության շաբաթ»: Հռոմի պապի լատինամերիկյան այցն ունի նաև պետական այցի կարգավիճակ և իրականացվում է Բրազիլիայի նախագահ Դիլմա Ռուսեֆի հրավերով, ով այդ իրադարձությունը որակել է որպես պատմական:
Ակնկալվում է, որ Հռոմի պապի հետ հանդիպելու համար Ռիո դե Ժանեյրո են ժամանելու լատինամերիկյան երկրների մի շարք ղեկավարներ:
