Իլհամ Ալիևը հրավիրվել է Հասան Ռոուհանիի երդմնակալությանը
Haqqin.az-ի փոխանցմամբ՝ բոլոր երկրների ղեկավարները, այդ թվում նաև Ադրբեջանի նախագահ Իլհամ Ալիևը հրավիրվել են Իրանի նորընտիր նախագահ Հասան Ռոուհանիի երդմնակալությանը: Այս մասին հայտարարել է Իրանի ԱԳՆ-ի մամլո քարտուղար Աբբաս Արաղչին:
Վերջինս մանրամասնել է, որ Ռոուհանիի երդմնակալությանը հրավիրվել են նաև ԱՄՆ-ի ու եվրոպական երկրների ղեկավարներ: Արաղչին հավելել է, որ մի շարք երկրների ղեկավարներ արդեն իսկ հաստատել են իրենց մասնակցությունը Ռոուհանիի երդմնակալությանը:
Ավելի վաղ Իրանի խորհրդարանի նախագահության մամլո ծառայության ղեկավար Գոլամ Ռեզա Մեսրին հայտարարել էր, որ Ռոոուհանիի երդմնակալությանը կարող են մասնակցել բոլոր երկրները՝ բացառությամբ Իսրայելի:
Ռոուհանի երդմնակալության արարողությունն անցկացվելու է օգոստոսի 4-ին:
