Բաքվի ոստիկանությունը բողոքի ակցիայի ժամանակ ձերբակալել է երիտասարդ ցուցարարների (տեսանյութ)
Ադրբեջանական Turan լրատվական գործակալության փոխանցմամբ՝ ադրբեջանցի երիտասարդները երեկ բողոքի ակցիա են անցկացրել Բաքվի Շատրվանների հրապարակում՝ պահանջելով ազատ արձակել ձերբակալված երիտասարդներին:
«Ո՛չ ապօրինի ձերբակալություններին» ակցիան Facebook սոցցանցի միջոցով կազմակերպել է անանուն խումբը: Ակցիան մեկնարկել է տեղական ժամանակով ժամը 15.00-ին, սակայն մինչ այդ այնտեղ արդեն հավաքվել են մեծ թվով ոստիկաններ:
Հրապարակում են հավաքվել նաև քաղաքացիական հագուստով ոստիկաններ: Ակցիայի ժամանակ ոստիկանները ձերբակալել են մի շարք երիտասարդների, ինչպես նաև խոչընդոտել են լրագրողների աշխատանքին:
