Իսրայելի ու Պաղեստինյան ինքնավարության ներկայացուցիչներն օրեր անց կհանդիպեն Վաշինգտոնում
Բրիտանական Reuters լրատվական գործակալության փոխանցմամբ`Իսրայելն ու Պաղեստինի ինքնավարությունը նախնական համաձայնության են եկել 2010 թվականից ընդհատված խաղաղության բանակցությունների վերսկսման մասին: Այս մասին երեկ հայտարարել է ԱՄՆ պետքարտուղար Ջոն Քերին, ով այցելել է մերձավորարևելյան երկրներ:
Քերիի խոսքերով` ակնկալվում է, որ Իսրայելի ու Պաղեստինյան ինքնավարության ներկայացուցիչներն առաջիկա օրերին հանդիպելու են Վաշինգտոնում, ինչին մասնակցելու է նաև ամերիկյան կողմը:
Իսրայելի իշխանությունների ներկայացուցիչները հայտարարել են, որ պաղեստինցիների հետ բանակցությունները, եթե վերսկսվեն, ապա կտևեն ամիսներ: Ակնկալվում է, որ սեպտեմբերին կայանալիք ՄԱԿ ԳԱ-ի տարեկան նստաշրջանում կձեռնարկվի հերթական փորձը` Պաղեստինին լիիրավ պետության կարգավիճակ շնորհելու համար:
