Վենեսուելայի ԱԳՆ-ը հայտարարել է ԱՄՆ-ի հետ «մերձեցման գործընթացի» ավարտի մասին
Ռուսական РИА Новости լրատվական գործակալության փոխանցմամբ`Վենեսուելայի իշխանությունները հայտարարել են ԱՄՆ-ի հետ հարաբերությունների կարգավորման գործընթացի ավարտի հետ` կապված ՄԱԿ-ում ԱՄՆ-ի առաջիկա ներկայացուցիչ Սամանտա Փաուերի կողմից ոչ բաղ անցյալում արված հայտարարության հետ:
Փաուերը մասնավորապես հայտարարել էր, որ այդ պաշտոնում իր հաստատման դեպքում պայքարելու է Կուբայում և Վենեսուելայում քաղաքացիական հասարակության հանդեպ գործադրվող բռնությունների դեմ: Դրանից հետո Վենեսուելայի ԱԳՆ-ը բողոքի նոտա էր հղել ԱՄՆ-ին:
Բացի այդ, Վենեսուելայի ԱԳՆ-ը հայտարարել է, որ այդ հայտարարությունը վերջ դրեց Գվատեմալայում մեկնարկած դիվանագիտական հարաբերությունների կարգավորման գործընթացը:
Այս տարվա հունիսին Գվատեմալայում հանդիպել էին ԱՄՆ պետքարտուղար Ջոն Քերին և Վենեսուելայի արտգործնախարար Էլիասա Խաուան, որոնք քննարկել են դիվանագիտական հարաբերությունների լիարժեք վերականգնման հնարավորություններն ու ուղիները:
