Հռոմի պապը ստեղծել է Վատիկանի ֆինանսների վերահսկման հատուկ հանձնաժողով
Ռուսական Rosbalt լրատվական գործակալության փոխանցմամբ՝ Հռոմի պապ Ֆրանցիսկոս I-ը ստեղծել է հատուկ հանձնաժողով՝ վերահսկելու համար Վատիկանի ֆինանսները:
Հանձնաժողովը բաղկացած է 8 անձից, որոնք Պապին ժամանակին տեղեկատվություն կներկայացնեն Վատիկանի վարչական կառույցներում տիրող ֆինանսական իրավիճակի մասին:
Հանձնաժողովը նաև համագործակցելու է կարդինալների խորհրդի հետ՝ հետազոտելու համար Վատիկանի տնտեսական ու կազմակերպչական խնդիրները, ինչի արդյունքում առաջարկելու է համապատասխան բարեփոխում:
Նշվում է, որ Հռոմի պապը հունիսի 16-ին սկսել է Վատիկանի բանկի բարեփոխման գործընթացը, որպեսզի այն դառնա առավել թափանցիկ և ձերբազատվի «օֆշորային դրախտի» իմիջից:
